Daxili İşlər Nazirliyinin (DİN) Baş Narkotiklərlə Mübarizə İdarəsi İrandan karqo ilə silikon qablarda gətirilən narkotikin dövriyyəsinin qarşısını alıb. Bu haqda məlumatı Cenublu.az bu gün, 9 aprel tarixində verir.
Bildirilib ki, tədbirlərlə Cəlilabad rayon sakini, 40 yaşlı Mübariz Ağayev paytaxt ərazisində saxlanılıb. Onda təmir işlərində istifadə olunan qara rəngli silikon qablarda yerləşdirilən 6 kiloqrama yaxın tərkibi psixotrop maddələrlə zənginləşdirilən marixuana aşkar edilib. M.Ağayev həmin narkotik vasitələri sosial şəbəkələrdə tanış olduğu İran vətəndaşı, Sadıx adlı şəxsin tapşırığı ilə karqo şirkətlərinin birindən silikon qabların içərisində yerləşdirilmiş formada əldə etdiyini bildirib.
"Saxlanılan şəxs narkotikləri pul qarşılığında paytaxt ərazisində müxtəlif ünvanlara yerləşdirərək bu barədə iranlı narkotacirə məlumat verməli imiş. Silikon qablarda aşkarlanan narkotiklər ölkəyə gətirilərkən onların yükləri skan edən rentgen aparatında oxunmaması üçün qablaşdırma zamanı xüsusi kimyəvi materiallardan istifadə olunub. Faktla bağlı cinayət işi başlanılıb, saxlanılan şəxs barəsində məhkəmənin qərarı ilə həbs qətimkan tədbiri seçilib. Əməliyyat tədbirləri davam etdirilir", – deyə məlumatda qeyd olunub.
[caption id="attachment_57294" align="alignnone" width="336"]
Foto DİN[/caption]
[caption id="attachment_57295" align="alignnone" width="336"]
Foto DİN[/caption]
