Cəlilabad rayonunun Dövlətəlibəyli kəndində qazın olmaması sakinlərə mütəmadi narahatlıq yaradır. Bu haqda məlumatı Cenublu.az bu gün, 18 avqust tarixində XezerXeber-ə istinadən verir.
Məlumata görə, kəndin yaxınlığından qaz xəttinin keçməsinə baxmayaraq, insanlar yanacaq kimi odundan istifadə etməli olurlar. Sakinlər söyləyirlər ki, qazın olmaması qış aylarında onların işini xeyli çətinləşdirir, odun almaq isə sərf etmir.
Vətəndaşlar dəfələrlə aidiyyəti üzrə müraciət etsələr də, problem öz həllini hələ də tapmayıb. “Azəriqaz” İB-dən bildirilib ki, Dövlətəlibəyli kəndi dövlət proqramı çərçivəsində yaxın 4 il ərzində qazlaşdırılacaq.
