Bu il 150 balla qəbul aparılan ixtisasların sayı arta bilər.
Bu barədə Dövlət İmtahan Mərkəzinin aparat rəhbəri Vəfadar Misirov məlumat verib.
O bildirir ki, perspektivli ixtisas anlayışı nisbidir və hər kəs tərəfindən fərqli qiymətləndirilə bilər. Elə ixtisaslar var ki, onlara qəbul balları ənənəvi olaraq aşağı olur. Məsələn, kənd təsərrüfatı istiqaməti üzrə Azərbaycan Dövlət Aqrar Universitetinin bəzi ixtisaslarına qəbul nisbətən aşağı ballarla aparılır.
"Müasir dövrdə aqronom, zootexnik və baytar kimi mütəxəssislərə əmək bazarında yüksək tələbat var, lakin bu sahələrdə kadr çatışmazlığı müşahidə olunur. Bu səbəbdən aşağı keçid ballarına baxmayaraq, həmin ixtisaslar perspektivli hesab edilir. Bu il 150 balla qəbul aparılan ixtisasların sayının artacağı istisna olunmur və onlar ixtisas seçimi jurnallarında yer alacaq" - deyə o, qeyd edib.
Mənbə: operativmedia.аz
