Bu gün, 10 aprel tarixində Xalq artisti Teymur Mustafayevin anadan olmasının 85 ili tamam olur.
Teymur Mustafayev 1939-cu ildə Cəlilabadda anadan olub. O, Azərbaycan Dövlət Filarmoniyasında, “Azkonsert” Birliyində, AzTV-də çalışıb. Teymur Mustafayev Azərbaycan musiqi sənətini Rusiya, Gürcüstan, Ukrayna, Özbəkistan, Türkiyə, İran, Almaniya, Avstriya, Meksika, Hindistan, Pakistan, Əfqanıstan, İordaniya, Misirdə təqdim etməklə onu dinləyicilərə sevdirib. Onun ifa etdiyi xalq və bəstəkar mahnıları, təsniflər Azərbaycan milli televiziya və radiomuzun qızıl fondunda qorunub saxlanılır.
Teymur Mustafayev milli mədəniyyətimizin inkişafında uğurlarına görə “Əməkdar artist”, “Xalq artisti” fəxri adlarına layiq görülüb, Prezident təqaüdçüsü olub. Görkəmli sənətkar 2020-ci ildə vəfat edib.
