Bu gün, 15 mart tarixində Cəlilabaddan olan şəhid Sadiq Nadir oğlu Ağabalayevin mövlud günüdür.
Sadiq Ağabalayev 1998-ci ildə Privolnoye kəndində doğulub.
S.Ağabalayev 2016-cı ildə Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu olub. Hərbi xidmət zamanı 2016-cı ilin Aprel döyüşlərində savaşıb.
2020-ci il sentyabrın 28-dən Vətən müharibəsində könüllü olaraq iştirak edib. 22 oktyabr tarixində Qubadlı rayonu istiqamətində döyüş tapşırığının yerinə yetirilməsi zamanı həlak olub.
Ölümündən sonra “Vətən uğrunda”, “Cəsur döyüşçü”, “Cəbrayılın azad olunmasına görə” və “Qubadlının azad olunmasına görə” medalları ilə təltif edilib.
