Bu gün, 30 iyun tarixində şəhid Xəqani Hüseynəli oğlu Fətiyevin mövlud günüdür.
Xəqani Fətiyev 1989-cu ildə Cəlilabad rayonunun Adnalı kəndində anadan olub. O, 2007-2009-cu illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. 2014-cü ildən isə müddətdən artıq həqiqi hərbi xidmət qulluqçusu olaraq xidmət edirdi.
Xəqani Vətən müharibəsi zamanı Füzulinin azadlığı uğrunda gedən döyüşlərdə savaşıb. O, sentyabrın 27-də Füzuli döyüşləri zamanı şəhid olub.
Xəqani Fətiyev ölümündən sonra "Vətən uğrunda" və "Füzulinin azad olunmasına görə" medalları ilə təltif edilib.
Şəhidimizin 4 övladı Vətənə yadigar qalıb.
