Bu gün, 26 iyul tarixində Azərbaycan Silahlı Qüvvələrinin əsgəri, Vətən müharibəsi şəhidi Sübhan Rauf oğlu Həsənovun mövlud günüdür.
Sübhan Həsənov 2001-ci ildə Masallı şəhərində anadan olub. 2007-2018-ci illərdə Masallı şəhər İ.Zülalov adına İsgəndərli kənd tam orta məktəbində təhsil alıb.
O, 30 iyul 2019-cu ildə Azərbaycan Silahlı Qüvvələrinin sıralarında müddətli həqiqi hərbi xidmətə yollanıb. Hərbi xidmətini Goranboy rayonunda yerləşən "N" saylı hərbi hissədə snayper olaraq yerinə yetirib.
Vətən müharibəsi zamanı Füzulinin və Suqovuşanın azadlığı uğrunda gedən döyüşlərdə vuruşub və döyüş tapşırığını yerinə yetirərkən həlak olub. Uzun müddət nəşi tapılmayıb. Sübhan Həsənov 7 dekabr 2020-ci ildə Masallı şəhərinin qəbiristanlığında dəfn olunub.
Ölümündən sonra "Vətən uğrunda", "Cəsur döyüşçü" və "Suqovuşanın azad olunmasına görə" medalları ilə təltif olunub.
