Bu gün, 4 sentyabr tarixində Azərbaycan Silahlı Qüvvələrinin MAXE hərbi qulluqçusu, Vətən müharibəsi şəhidi Rəfail İşiyevin mövlud günüdür.
Rəfail İşiyev 1979-cu ildə Cəlilabad rayonunda anadan olub. Onun ömrünün 16 ili orduda keçib. O, 16 ilin PDM (BMP) mütəxəssisi idi. 2016-cı ilin Aprel döyüşlərində iştirak edib. Vətən müharibəsində Cəbrayıl rayonunun işğaldan azad edilməsi uğrunda gedən döyüşlərdə iştirak edib və idarə etdiyi BMP vurulub. O, yaralanandıqdan 2 gün sonra yenidən döyüşlərə qatılıb. Yaralı döyüş yoldaşının BMP-sini idarə edərək Cəbrayıl, Füzuli istiqamətində gedən döyüşlərdə düşmənə ağır zərbələr vurub. İkinci dəfə də texnikası vurulub və yaralanıb. Amma o, yenidən 3-cü BMP ilə döyüşlərə qatılıb.
Rəfail İşiyevin son döyüşü Xocavənd istiqamətində olan ağır döyüşlər olub. O, 3 noyabr Xocavənd istiqamətində gedən döyüşlərdə şəhidlik zirvəsinə ucalıb.
Ölümündən sonra “Vətən uğrunda”, "Şuşanın azad olunmasına görə" və “Xocavəndin azad olunmasına görə” medalları ilə təltif edilib.
