Bu gün, 1 aprel tarixində Azərbaycan Silahlı Qüvvələrinin çavuşu, Vətən müharibəsi qəhrəmanı Cavid Hüseynovun mövlud günüdür.
Cavid Habil oğlu Hüseynov 1994-cü ildə Cəlilabad rayonunun Hamarqışlaq kəndində anadan olub. 2012-ci ildən Azərbaycan Silahlı Qüvvələrinin sıralarında müddətdən artıq həqiqi hərbi xidmət qulluqçusu idi.
Vətən müharibəsi zamanı Füzulinin azadlığı uğrunda gedən döyüşlərdə iştirak edib. Cavid Hüseynov sentyabrın 30-da Füzuli döyüşləri zamanı həlak olub. Cəlilabad rayonunun Hamarqışlaq kəndində dəfn edilib.
Sağlığında "Azərbaycan Ordusunun 100 illiyi" yubiley medalına layiq görülən Cavid ölümündən sonra “Vətən uğrunda”, "Füzulinin azad olunmasına görə", "İgidliyə görə", "Cəbrayılın azad olunmasına görə" və "Şuşanın azad olunmasına görə" medalları ilə təltif edilib.
