Bu gün şəhid Arif Qeybiyevin mövlud günüdür.
Arif İsmayıl oğlu Qeybiyev 1997-ci il Astara rayonunun Səncərədi kəndində anadan olub. Orta məktəb dövründə idmanın atletika növü ilə məşğul olub. Rayon və ölkə üzrə yarışlarda ilk üçlüyə düşüb və həmçinin 2015-ci il Avropa Oyunlarının iştirakçısı olub.
Qeybiyev 2016-2018-ci illərdə müddətli həqiqi hərbi xidmətdə olub, 2019-cu ildən etibarən isə müddətdən artıq xidmət edən hərbi qulluqçu kimi ordu sıralarında xidmət etməyə başlayıb.
Azərbaycan Silahlı Qüvvələrinin əsgəri olan Arif 2020-ci ilin sentyabrında başlanan Vətən müharibəsi zamanı Füzulinin azadlığı uğrunda gedən döyüşlərdə tankçı kimi iştirak edib və sentyabrın 27-də bu istiqamətdə döyüş tapşırığını yerinə yetirərkən qəhrəmancasına şəhid olub.
Ölümündən sonra "Vətən uğrunda", "Cəsur döyüşçü", "Füzulinin azad olunmasına görə" və "Xocavəndin azad olunmasına görə" medalları ilə təltif edilib.
