Rezidenturaya qəbul olunanların qeydiyyatı bu gün başlayır.
Cenublu.az xəbər verir ki, qeydiyyat prosesi 25 avqust saat 15:00-dan 3 sentyabr saat 18:00-dək davam edəcək.
Rezidenturaya qəbul olunanlar qeydiyyatdan yalnız my.gov.az portalı üzərindən keçə bilərlər.
Müəyyən edilmiş müddətdə qeydiyyatdan keçməyən şəxslərin yerləşdirildikləri ixtisas üzrə təhsil almaqdan imtina etdikləri hesab olunacaq və onlar qəbul olunanlar siyahısından çıxarılacaqlar. Bu namizədlər boş qalan yerlər üzrə keçiriləcək müsabiqəyə də buraxılmayacaqlar.
Qeyd edək ki, qəbul imtahanının nəticələrinə əsasən müsabiqədə iştirak edən 827 namizəddən, hərbi tibb fakültəsini bitirmiş namizədlər istisna olmaqla, 788 nəfər təhsilini rezidenturada davam etdirmək hüququ qazanıb.
