Bu gün Lənkəran–Astara Regional Təhsil İdarəsinin tabeliyində fəaliyyət göstərən ümumi təhsil müəssisələrində məzunlar üçün son zəng çalınıb. Bu haqda məlumatı Cenublu.az bu gün, 14 iyun tarixində verir.
Təhsildə Keyfiyyət Təminatı Agentliyinin sədri Tural Əhmədov və Lənkəran–Astara Regional Təhsil İdarəsinin müdiri Bəhruz Mehdiyev E.Səfərov adına Lerik rayon Çayrud kənd tam orta məktəbində keçirilən “Son zəng” tədbirində iştirak ediblər. Regionumuzda keçirilən “Son zəng” tədbirlərində Lənkəran–Astara Regional Təhsil İdarəsinin əməkdaşları, sektor müdirləri və əməkdaşları, məzunlar, valideynlər, müəllimlər, şəhid ailələri və ictimaiyyət nümayəndələri iştirak ediblər.Tədbirlərdə məktəb məzunlarının iştirakı ilə mahnı və rəqslərdən ibarət kompozisiyalar nümayiş etdirilib.
Qeyd edək ki, 2023-2024-cü tədris ilində Lənkəran–Astara RTİ-nin tabeliyindəki məktəblərin IX siniflərini 11.156, XI siniflərini isə 7641 şagird bitirib.
