Bu gün, 27 mart tarixində Lənkəran Dövlət Dram Teatrının aktyoru Hikmət Cəfərovun doğum günüdür.
Hikmət Musriddin oğlu Cəfərov 1960-cı ildə Lənkəran rayonunun Viyən kəndində anadan olub. 1977-ci ildə orta məktəbi bitirib. Hərbi xidmətdən sonra, 1980-1981-ci illərdə Bakıda 88 saylı peşə məktəbində elektrik montyoru ixtisası üzrə təhsil alıb. 1981-1985-ci illərdə Bakıda elektrik şəbəkəsində montyor işləyib. 1986-1991-ci illərdə Mirzağa Əliyev adına Azərbaycan Dövlət Mədəniyyət və İncəsənət İnstitutunun Mədəni-maarif fakültəsinin özfəaliyyət teatr kollektivlərinə rəhbərlik şöbəsində qiyabi təhsil alıb. 1985-ci ildən Lənkəran Dövlət Dram Teatrının aktyorudur.
O, bir çox Azərbaycan klassiklərinin, dramaturqlarımızın müxtəlif janrlı əsərlərində və əcnəbi müəlliflərin dramlarında müxtəlif rollarda çıxış edib. H.Cəfərov, həmçinin bir neçə teleserialda iştirak edib.
