Bu gün, 15 aprel tarixində Vətən müharibəsi şəhidi Sadiq Şahin oğlu Bağırzadənin mövlud günüdür.
Azərbaycan Silahlı Qüvvələrinin əsgəri Sadiq Bağırzadə 2002-ci ildə Astara rayonunun Ərçivan qəsəbəsində doğulub. Evin tək oğlu olan Sadiq kiçik yaşlarından boksla məşğul olub. Boks üzrə Azərbaycan komandasının üzvü olub. İdman karyerasında medallar qazanıb və diplomla təltif edilib, respublika birincisi olub.
2020-ci il sentyabrın 27-də başlanan Vətən müharibəsi zamanı Murovdağ istiqamətində gedən döyüşlərdə savaşıb. Sentyabrın 30-da Murovdağ döyüşləri zamanı şəhid olub. Ərçivan qəsəbəsində torpağa tapşırılıb.
O, ölümündən sonra “Vətən uğrunda” və “Cəsur döyüşçü” medalları ilə təltif edilib.
