Lənkəran-Astara Regional Təhsil İdarəsinin tabeliyində fəaliyyət göstərən ümumi təhsil müəssisələrindən 28 şagird Respublika Fənn Olimpiadalarının final mərhələsinə vəsiqə qazanıb.
Cenublu.az xəbər verir ki, yarımfinal mərhələsində Lənkəran üzrə 10, Cəlilabad üzrə 5, Masallı üzrə 5, Astara üzrə 5, Lerik üzrə 3 şagird yarımfinal mərhələsində uğur qazanaraq finala vəsiqə qazanıb.
Beləliklə, kimya üzrə 1, informatika üzrə 1, fizika üzrə 3, Azərbaycan dili və ədəbiyyat üzrə 3, tarix üzrə 3, riyaziyyat üzrə 5, coğrafiya üzrə 5, biologiya üzrə isə 7 şagird finalda biliklərini sınayacaq.
Qeyd edək ki, olimpiadaların təşkil edilməsində məqsəd istedadlı uşaqların aşkar edilməsi, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.
