Biləsuvar rayonunda 17 yaşlı yeniyetmə ehtiyatsızlıq nəticəsində sağlamlığına ciddi ziyan vurub.
Cenublu.az xəbər verir ki, hadisə Ağalıkənd kəndində baş verib. Məlumata görə, 2007-ci il təvəllüdlü Daşqın Rəsulov evdə olarkən sirkə turşusu (uksus) içib. Onun vəziyyəti pisləşdiyi üçün təcili tibbi yardım çağırılıb. DYP avtomobilinin müşayiəti ilə Biləsuvar Rayon Mərkəzi Xəstəxanasına çatdırılan yeniyetməyə ilkin tibbi yardım göstərilib. Lakin vəziyyəti ağırlaşdığından o, Bakıya xəstəxanaya göndərilib.
Hazırda hadisə ilə bağlı araşdırma aparılır.
