Cəlilabad Rayon Polis Şöbəsi əməkdaşı nümunəvi addım atıb. Bu haqda Cenublu.az bu gün, 24 iyun tarixində məlumat verir.
İyunun 19-da rayon ərazisində avtoqəza baş verib. Təsadüf nəticəsində Post Patrul Xidmətinin əməkdaşı, polis serjantı Rəcəb İsayev (icazəli olub toya getdiyi zaman) hadisənin şahidi olub.
Dərhal hadisəyə müdaxilə edən polis serjantı xəsarət alan azyaşlı uşağı götürərək xəstəxanaya aparıb. Gözlənilmədən avtomobildə texniki nasazlıq yaranır R. İsayev vaxt itirmədən çevik hərəkət edərək azyaşlını qucağına alıb, tibb müəssisəsinə doğu qaçıb.
Xəstəxanaya çatdırılan azyaşlıya dərhal ilkin tibbi yardım göstərilib.
Həkimlərin verdiyi məlumata əsasən, azyaşlı xəstəxanaya bir neçə dəqiqə gec çatdırılsaydı, həyatını itirə bilərdi.
