“Avroviziya” təmsilçilərimiz Fahree (Fəxri İsmayılov) və İlkin Dövlətov müsabiqədə ifa edəcəkləri “Özünlə apar” mahnısının oktava versiyasını geniş izləyici kütləsinə təqdim ediblər. Bu haqda məlumatı Cenublu.az bu gün, 18 aprel tarixində Bizim.Media-ya istinadən verir.
Sözügedən nəğməyə çəkilən videoçarx yarışmanın rəsmi “YouTube” kanalında yayıma buraxılıb.
Bəstənin musiqisi Fahree, Edqar Ravin, Hasan Haydar, Mila Mayls, sözləri isə Fahree və Mado Salix tərəfindən yazılıb.
Qeyd edək ki, İsveçin Malmö şəhərində keçiriləcək "Avroviziya–2024" mahnı müsabiqəsinin yarımfinal mərhələləri bu il mayın 7-si və 9-u, final mərhələsi isə mayın 11-də baş tutacaq. Püşkatma nəticəsində Azərbaycan bu il 1-ci yarımfinalda çıxış edəcək.
Xatırladaq ki, təmsilçilərimizdən biri – İlkin Dövlətov əslən Cəlilabad rayonunun Muğan (keçmiş Svetlaya Zarya) kəndindəndir. O, “O səs Azərbaycan” yarışmasının finalçısı olub.
