Astara Tarix-Diyarşünaslıq muzeyinin əməkdaşları 44 günlük Vətən müharibəsində qəhrəmancasına şəhidlik zirvəsinə ucalan, Astarada dünyaya göz açan şəhidlər - Əliyev Ruslan Aslan oğlu, Hüseynov Şahnur Şahin oğlu və Bağırzadə Sadiq Şahin oğlunun məzarlarını ziyarət ediblər. Bu haqda məlumatı Cenublu.az bu gün, 2 avqust tarixində Lənkəran Regional Mədəniyyət İdarəsinə istinadən verir.
Muzey əməkdaşları şəhidlərin məzarları önünə tər gül dəstələri düzüb, əziz xatirələrinə ehtiramlarını bildirib, ruhlarına dualar oxuyublar.
Döyüşlərdə göstərdikləri qəhrəmanlığa görə ölümlərindən sonra Ruslan Aslan oğlu Əliyev "Vətən uğrunda” medalı, Şahnur Şahin oğlu Hüseynov “Vətən uğrunda”, “İgidliyə görə”, “Füzulinin azad olunmasına görə” medalları və “Azərbaycan Bayrağı” ordeni, Sadiq Şahin oğlu Bağırzadə isə “Vətən uğrunda”, “Cəsur döyüşçu”, “Kəlbəcərin azad olunmasına görə” medalları və “Azərbaycan bayrağı” ordeni ilə təltif olunublar.
[URIS id=20825]
