Azərbaycan Respublikası Prezidenti İlham Əliyevin Sərəncamı ilə səhiyyə sahəsində səmərəli fəaliyyətlərinə görə Astara Rayon Mərkəzi Xəstəxanasın həkim-ümumi cərrahı Etibar Yəmli oğlu Cəlilov “Tərəqqi” medalı ilə təltif olunub. Bu haqda məlumatı Cenublu.az bu gün, 1 avqust tarixində verir.
Etibar Cəlilov 1958-ci ildə Astara rayonunun Təngərüd kəndində müəllim ailəsində anadan olub. 1975-ci ildə orta məktəbi başa vurub. Həmin ildə N.Nərimanov adına Azərbaycan Dövlət Tibb İnstitutunun Müalicə-profilaktika fakültəsinə daxil olub və 1981-ci ildə həkim-ümumi cərrah ixtisası üzrə bitirib.
1982-ci ildə 3 saylı Şəhər Xəstəxanasında internaturanı bitirdikdən sonra Astara Rayon Mərkəzi Xəstəxanasında həkim-cərrah kimi işə başlayıb. O, 2011-2023-ü illərdə tibb müəssisəsinin Cərrahiyyə şöbəsinin müdiri vəzifəsində fəaliyyət göstərib. Hazırda Cərrahiyyə şöbəsinin həkim-ümumi cərrahı kimi çalışır.
