Daha öncə xəbər verdiyimiz kimi, Astara və Biləsuvar arıçıları arasında qalmaqal yaşanıb.
Məsələ ilə bağlı Biləsuvar Fermerlər Şurasının və Arıçıların Rayon Təşkilatının sədri Hacı Gülağa Hüseynov Report.az-a açıqlama verib: “Hər il Astara arıçıları gizli formada gecə vaxtı arıları gətirib Biləsuvara yerləşdirirlər. Bu da, öz növbəsində, rayonun arıçılıq təsərrüfatına ziyan vurur. Bu hal "Arıçılıq haqqında" qanunun bir çox maddələrinin qərarlarını kobud surətdə pozur. Belə ki, sanitar-baytarlıq haqqında heç bir əsasnaməsi, köçürülmə yerinin qeydiyyatı, yerli icra strukturlarının heç bir məlumatı olmadan Astaradan hər il külli miqdarda Biləsuvara arı gətirilir. Artıq bu il Astaradan gətirilən arılar, demək olar ki, bizim arıçılq təsərrüfatının yarıdan çoxuna ziyan vurub”.
Qeyd edək ki, Biləsuvarda hal-hazırda 112 arı saxlayan təsərrüfat və onların da 4165 arı ailəsi var.
