Baş Prokurorluq tərəfindən Astara rayonunda, Xəzər dənizinin sahilində təmizlik aksiyası təşkil olunub. Bu haqda məlumatı Cenublu.az bu gün, 20 aprel tarixində verir.
Keçirilən aksiyada Baş Prokurorluğun, eləcə də Astara, Lənkəran, Masallı, Lerik və Yardımlı rayon prokurorluqlarının əməkdaşları, rayon ictimaiyyəti, Astara Pedaqoji Kolleci və Astara rayon Gənclər İdarəsinin könüllüləri də daxil olmaqla ümumilikdə 100-dən çox şəxs iştirak edib.
Tədbir zamanı 4 hektara yaxın sahil zolağı plastik və digər məişət tullantılarından təmizlənib, toplanmış tullantılar aidiyyəti üzrə təhvil verilib.
