Astara RİH-nin inzibati binasında “Astara rayonu ərazisində sitrusçuluq, çayçılıq və çəltikçiliyin inkişafı istiqamətində görülmüş işlər, problemlər və görülməsi nəzərdə tutulan tədbirlər” adlı tədbir baş tutub. Bu haqda məlumatı Cenublu.az bu gün, 18 aprel tarixində verir.
Tədbir RİH başçısının müavini – Sosial-iqtisadi inkişafın təhlili və proqnozlaşdırılması şöbəsinin müdiri İlqar Malıyevin sədrliyi ilə həyata keçirilib. Burada Ərazi idarəetmə və yerli özünüidarəetmə orqanları ilə iş şöbəsinin müdiri Xanverdi Şirinov, Sosial-iqtisadi inkişafın təhlili və proqnozlaşdırılması şöbəsinin əməkdaşları, Astara Dövlət Aqrar İnkişaf Mərkəzinin direktoru Etibar Abbasov, rayon Bitki Mühafizəsi və Fumiqasiya Mərkəzinin rəisi Fərhad Rzayev, Astara Suvarma Sistemləri İdarəsinin baş mühəndisi Fərid Yusifov, “Astaraçay” MMC-nin nümayəndəsi Ağaşirin Ağayev, “PAŞA Sığorta” şirkətinin Lənkəran Regional İdarəsinin nümayəndəsi Orxan Axundov mövzularla bağlı çıxışlar ediblər.
Görüşə şəhər, qəsəbə və kənd İƏD üzrə nümayəndələri, rayon bələdiyyə sədrləri, aidiyyəti idarə rəhbərləri, rayon ərazisində sitrusçuluq, çayçılıq, çəltikçilik, o cümlədən, digər kənd təsərrüfatı fəaliyyəti növləri ilə məşğul olan fermer və sahibkarlar qatılıblar.
İştirakçılara görülmüş işlər, problemlər və görülməsi nəzərdə tutulan tədbirlər barədə məlumatlar verilib, onları maraqlandıran suallar cavablandırılıb.
