Astarada şəhid Pəncəli Teymurovun adına inşa edilən ev-muzeydə şəhidin anım mərasimi baş tutub. Bu haqda məlumatı Cenublu.az bu gün, 13 aprel tarixində verir.
Anım tədbirində Gənc Qazilər İctimai Birliyi Cənub bölgə filiallarının (Masallı, Cəlilabad və Astara rayonları) sədrləri, idarə heyəti və üzvləri, Qarabağ qaziləri, şəhid anaları, rayon sakinləri və qonaqlar iştirak ediblər.
İştirakçılara şəhidimizin həyat yolundan, döyüş şücaətlərindən məlumatlar verilib. Daha sonra qazilər şəhidin məzarına baş çəkiblər, önünə gül dəstələri qoyublar və ruhuna dualar oxuyublar.
Ömrünün 17 ilini Vətənə şərəflə xidmət edən Pəncəli Teymurov 1981-ci ilin 24 mart tarixində Astara rayonunun Əzərüd kəndində anadan olub. O, Aprel döyüşlərində qəhrəmancasına şəhidlik zirvəsinə ucalıb.
