Astarada şəhid Cəmil Qurbanzadənin doğum günü münasibətilə mərasim təşkil olunacaq. Bu haqda məlumatı Cenublu.az bu gün, 22 aprel tarixində verir.
Mövlud tədbiri 27 aprel tarixində baş tutacaq. Saat 12:00-da isə şəhidimizin məzarı ziyarət olunacaq.
Mərasimdə iştirak etmək imkanı olan hər kəs dəvətlidir.
Cəmil Qurbanzadə 2003-cü ildə Astara şəhərində anadan olub. O, 13 sentyabr 2022-ci ildə Azərbaycan–Ermənistan sərhədində baş vermiş toqquşma zamanı şəhid olub.
Ölümündən sonra 3-cü dərəcəli “Vətənə xidmətə görə” ordeni və “Vətən uğrunda” medalı ilə təltif edilib.
