Astarada şəhid Əli Feyziyevin anası Rəfayət Feyziyevanın 50 illik yubileyi qeyd olunub. Bu haqda məlumatı Cenublu.az bu gün, 4 aprel tarixində verir.
Mərasim Heydər Əliyev Mərkəzinin əməkdaşı tərəfindən təşkil olunub.
Tədbirdə Lənkəran–Astara Regional Mədəniyyət İdarəsinin baş məsləhətçisi Şadoğlan Bayramov, rayon Mədəniyyət İşçilərinin Azad Həmkarlar təşkilatının sədri Hacıbala Ramazanov iştirak ediblər.
Sonda Həmkarlar Komitəsi tərəfindən şəhidin anasına hədiyyə təqdim edilib.
Xatırladaq ki, Əli Feyziyev ölümündən sonra “Vətən uğrunda”, “İgidliyə görə”, “Xocavəndin azad olunmasına görə” və “Şuşanın azad olunmasına görə” medalları ilə təltif edilib.
