Astarada “Kənd şagirdləri üçün alternativ və bərpa olunan enerji mənbələri qurğularının qrafik prototiplərinin hazırlanması və qurğularla iş üzrə təlimlər” layihəsi həyata keçirilir. Bu haqda məlumatı Cenublu.az bu gün, 29 fevral tarixində verir.
Layihə Vaqo kənd tam orta məktəbində cari tədris ilinin oktyabr ayından başlayaraq icra olunur.
Proyekt çərçivəsində keçirilən təlimlərdə şagirdlərə bərpaolunan enerji növləri, külək və günəş enerjisi, hidroenergetika, geotermal energetika barədə məlumat verilib. Həmçinin məktəblilər təlimçilərlə birgə alternativ və bərpaolunan enerji qurğuları hazırlayıblar, onların hər biri qurğular üzərində praktiki olaraq işləməyi öyrənib.
Qeyd edək ki, adıçəkilən layihə Təhsildə inkişaf və innovasiyalar üzrə VII qrant müsabiqəsinin qalibidir.
