Astarada “Erkən nikaha son deyək” və “Narkomaniya – əsrin bəlası” mövzularında təlim təşkil edilib. Bu haqda məlumatı Cenublu.az bu gün, 30 mart tarixində verir.
Tədbir N.Əliyev adına Maşxan kənd tam orta məktəbində baş tutub. Burada məktəbin yuxarı sinif şagirdləri, müəllim heyəti və nümayəndələr olmaqla cəmi 45 nəfər iştirak edib.
Görüşdə Astara Rayon Polis Şöbəsinin, Lənkəran–Astara Regional Gənclər və İdman İdarəsinin Astara rayonu üzrə gənclər və idman sektorunun, “Astara Rayon Mərkəzi Xəstəxanası” Publik Hüquqi Şəxsinin, Astara RİH-nin əməkdaşları çıxış ediblər. Onlar gəncləri dəyərli tövsiyələrə əməl etməyə, narkomaniyaya düçar olmuş insanları doğru yola çəkməyə, onlara kömək etməyə çağırıblar.
Sonda məktəblilərin sualları cavablandırılıb.
Seminar Lənkəran–Astara Regional Gənclər və İdman İdarəsinin təşkilatçılığı ilə keçirilib.
