Astarada “Ümummilli Lider Heydər Əliyev və dövlət qadın siyasəti” adlı tədbir və rəsm sərgisi keçirilib. Bu haqda məlumatı Cenublu.az bu gün, 6 mart tarixində verir.
Beynəlxalq Qadınlar Gününə həsr olunmuş tədbir Heydər Əliyev Mərkəzində baş tutub. Burada “8 Mart Beynəlxalq Qadınlar Günüdür” mövzusunda film təqdim edilib.
Daha sonra Astara rayon Heydər Əliyev Mərkəzinin direktoru, Lənkəran-Astara Regional Gənclər və İdman İdarəsinin rayon üzrə sektorunun, Astara rayon Heydər Əliyev Mərkəzinin, YAP Astara rayon Təşkilatının və Astara Dövlət Rəsm Qalereyasının əməkdaşları tərəfindən mövzu ətrafında məlumatlar verilib.
Sonda tədbir iştirakçıları Heydər Əliyev Mərkəzinin və Dövlət Rəsm Qalereyasının birgə təşkilatçılığı ilə “Rəssamlıq” dərnəyi üzvlərinin əl işlərindən ibarət rəsm sərgisinə və Mərkəzin Elektron kitabxanasında saxlanılan kitablardan təşkil olunmuş sərgiyə baxış keçiriblər.
Tədbir Lənkəran-Astara Regional Gənclər və İdman İdarəsinin təşkilatçılığı ulə həyata keçirilib.
