İribuynuzlu heyvan Astara sakininə xəsarət yetirib, zərərçəkən xəstəxanada vəfat edib. Bu haqda məlumatı Cenublu.az bu gün, 19 iyul tarixində Report-a istinadən verir.
Hadisə Maşxan kəndində baş verib. Gecə saatlarında həyətə düşən 51 yaşlı kənd sakini Elşən İbadov iribuynuzlu heyvan (kəl) tərəfindən hücuma məruz qalıb. Heyvan İbadovu ayaqlarının altında əzib.
Səsə çıxan ailə üzvləri Elşəni Lənkəran Rayon Mərkəzi Xəstəxanasına çatdırıblar. Xəstəyə zəruri ilkin tibbi xidmətlər göstərilib və o, təcili əməliyyat blokuna göndərilib. Cərrahi müdaxilələrə baxmayaraq, xəstə dünyasını dəyişib.
Faktla bağlı araşdırma aparılır.
