Astara rayon Heydər Əliyev Mərkəzində “İdman həyat və sağlamlıqdır” mövzusunda sərgi və tədbir keçirilib. Bu haqda məlumatı Cenublu.az bu gün, 4 mart tarixində verir.
Tədbirdə ilk növbədə “5 mart – Azərbaycanda Bədən Tərbiyəsi və İdman Günü” mövzusunda film nümayiş olunub. Daha sonra tədbir çıxışlarla davam edib. Sonra şagirdlərin mövzu ilə bağlı sualları cavablandırılıb. Yekunda tədbir iştirakçıları Astara rayon Heydər Əliyev Mərkəzinin və Astara Dövlət Rəsm Qalereyasının birgə təşkilatçılığı ilə “Rəssamlıq” dərnəyi üzvlərinin əl işlərindən və Mərkəzin Elektron kitabxanasında saxlanılan kitablardan təşkil olunmuş sərgiyə baxış keçiriblər.
Qeyd edək ki, tədbir Lənkəran–Astara Regional Gənclər və İdman İdarəsinin Astara rayonu üzrə sektorunun, Astara Dövlət Rəsm Qalereyası əməkdaşlarının və Z.Bünyadov adına Astara şəhər 2 saylı tam orta məktəbinin müəllim və şagirdlərinin iştirakı ilə baş tutub.
