Astarada "Biz birlikdə güclüyük" devizi altında "Gənclər düşərgəsi" təşkil olunub. Bu haqda bu gün, 12 avqust tarixində Cənublu.az Astara rayon Gənclər və İdman İdarəsinə istinadən xəbər verir.
Tədbir Astaranın Züngüləş kəndi, "İstisu" təbii istirahət zonasında baş tutub. Beynəlxalq Gənclər Gününə həsr olunmuş düşərgədə 14-29 yaşlı gənclər iştirak ediblər. Düşərgənin keçirilməsində əsas məqsəd gənclərin fərdi inkişafına dəstək olmaq, dünyagörüşünü və vətənpərvərlik tərbiyəsini yüksəldməkdir. Tədbirdə "Ziyalılar", "Gənclər" və "Mübarizlər" komandaları mübarizə aparıblar.
Daha öncə, "Gənclər düşərgəsi" haqqında ətraflı məlumat vermişdik.
