Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov avqustun 5-də Astara rayonunda vətəndaşları qəbul edəcək.
Cenublu.az xəbər verir ki, qəbulda Astara, Cəlilabad, Lənkəran, Lerik, Masallı və Yardımlı rayonlarının sakinləri iştirak edə bilərlər.
Vətəndaşlar qəbula 146-2 Çağrı Mərkəzi vasitəsilə, Təhsil Nazirliyinin rəsmi internet səhifəsinin "Əlaqə" bölməsindən elektron qaydada, həmçinin +994 51 206 78 48 nömrəsi ilə "WhatsApp" üzərindən qeydiyyatdan keçə bilərlər.
Qeydiyyat üçün son tarix 29 iyul 2026-cı il saat 18:00-dək müəyyən edilib.
Qeyd edək ki, vətəndaş qəbulunda iştirak etmək üçün əvvəlcədən qeydiyyatdan keçmək mütləqdir.
