Bu il Astarada arıçılıq məhsullarının bahalaşması gözlənilir. Bu haqda məlumatı Cenublu.az bu gün, 12 aprel tarixində Baku TV-yə istinadən verir.
Arıçıların sözlərinə görə, arı ailələrinin ölüm nisbəti 50 faizə yaxındır. Buna səbəb soyuq hava şəraitinə görə məhsuldarlığın azalması və arıların xəstəlikdən tələf olmasıdır.
“İtkilər balın qiymətinə təsir edəcək. Arıçılar dərman preparatlarına pul çatdıra bilmədikləri üçün qiymətlərdə artım olacaq. Keçən il balın qiyməti 20-25 manat idisə, bu il 30-35-40 manat arasında olacaq”, – deyə Astara Arıçılıq Assosiasiyasının sədri Sərxan Nəzərov bildirib.
