Astara rayonunda sənədləri olmayan ov tüfənglərinin saxlanması və yerin təkindən qanunsuz istifadə faktları qeydə alınıb. Bu haqda məlumatı Cenublu.az bu gün, 4 sentyabr tarixində verir.
DİN-dən verilən məlumata görə, 3 nəfər rayon sakinindən müvafiq sənədləri olmayan müxtəlif markalı ov tüfəngləri aşkarlanıb. Bu faktlarla bağlı qanunamüvafiq tədbirlər görülməklə silahlar aidiyyəti üzrə təhvil verilib.
Bundan əlavə, Xəzər dənizinin rayon ərazisindəki sahil zonasından qanunsuz qum daşınması ilə bağlı 2 fakt aşkarlanıb və həmin hallarla bağlı İnzibati Xətalar Məcəlləsinin 228-ci (İcazə olmadan və ya icazə şərtlərini pozmaqla yerin təkindən istifadə etmə) maddəsi ilə inzibati qaydada protokol tərtib edilərək aidiyyəti üzrə göndərilib.
