Astarada intihar edən yeniyetmə barədə Lənkəran–Astara Regional Təhsil İdarəsi rayon üzrə təhsil sektorundan məlumat verilib.
Bildirilib ki, onun hazırlıq səviyyəsinin aşağı olması ilə bağlı özü ilə də söhbətləşmə aparılıb:
“Astara rayonu Rinə kənd tam orta məktəbinin şagirdi Zöhrab Sərxan oğlu Fətəliyev oxuduğu illər ərzində özünü tərbiyəli şagird kimi aparıb. Lakin onun dərsə hazırlıq səviyyəsi aşağı olub. Bununla əlaqədar onunla fərdi şəkildə söhbətlər aparılıb və eyni zamanda valideynləri də məlumatlandırılıb. Görülən tədbirlərə baxmayaraq, onun yaxşı oxuması barədə müsbət nəticə əldə edilməyib. Şagirdimiz həm müəllimlərlə, həm də sinif yoldaşları ilə münasibətdə səmimi və mehriban olub, məktəb tədbirlərində fəal iştirak edib, şagird davranış qaydalarını ciddi şəkildə pozmayıb”.
***
Astara rayonunun Rinə kənd sakini Z. Fətəliyev həyatına son qoyub. Bu haqda məlumatı Cenublu.az bu gün, 23 aprel tarixində Oxu.az-a istinadən verir.
15 yaşlı yeniyetmə işlədiyi neft məhsullarının satışı mağazasında özünü asıb.
Məlum olub ki, Z. Fətəliyevin ailəsinin maddi vəziyyəti pis olduğundan o, dərsdən sonra işləyərək, qazancını ailəsi ilə bölüşürdü. Onun nümunəvi bir şagird olduğu bildirilir.
Qeyd edək ki, onun atası Bakıda işləyir, qardaşı isə əsgərlikdədir.
Fətəliyevin istifadə etdiyi mobil telefon prokurorluğa təqdim edilib.
Araşdırma aparılır.
