Astarada narkotik təsiri altında avtomobil idarə edən sürücü həbs olunub. Bu haqda məlumatı Cenublu.az bu gün, 13 avqust tarixində Report.az-a istinadən verir.
Belə ki, Bakı şəhər sakini Sərxan Məmməd oğlu Ağamalıyevin idarə etdiyi “Toyota” markalı, 99-VH-493 dövlət qeydiyyat nişanlı nəqliyyat vasitəsi stasionar postda nəzarət qaydasında saxlanılarkən, onun narkotik vasitə qəbul etməsinə dair şübhələr yaranıb. O, tibbi müayinədən keçirilərkən narkotik istifadə etdiyi sübut olunub.
Sürücü barəsində toplanan materiallar hüquqi qiymət verilməsi üçün Masallı Rayon Məhkəməsinə göndərilib. Məhkəmənin qərarı ilə S.Ağamalıyev barəsində inzibati həbs tətbiq olunub və o, 2 il müddətinə sürücülük hüququndan məhrum edilib.
