Astara rayon sakinlərindən 17 kiloqram narkotik vasitə və psixotrop maddə aşkar olunaraq götürülüb. Bu haqda məlumatı Cenublu.az bu gün, 23 avqust tarixində verir.
Biləsuvar Rayon Polis Şöbəsinin əməkdaşlarının Ələt-Astara magistral yolunun rayon ərazisindən keçən hissəsində həyata keçirdikləri əməliyyat tədbiri zamanı narkotik vasitələrin qanunsuz dövriyyəsini təşkil edən Astara rayon sakinləri: Elçin Əbilov, Orxan Qəmbərov və Elşən Babayev saxlanılıblar.
Onlardan 4 kiloqram heroin, 3 kiloqram metamfetamin, 10 kiloqram tiryək aşkar olunaraq götürülüb.
Faktla bağlı araşdırma davam edir.
