Astarada narkotik vasitələrin qanunsuz dövriyyəsinin qarşısının alınması məqsədilə əməliyyat keçirilib. Bu haqda məlumatı Cenublu.az bu gün, 23 aprel tarixində verir.
Tədbir zamanı rayon sakini, 31 yaşlı İbrahim Ağayevin üzərində, həmçinin yaşadığı ünvanda tərkibi psixotrop maddələrlə zənginləşdirilən 43 kiloqram marixuana, 3 kiloqram heroin və 5 kiloqram metamfetamin olmaqla ümumilikdə 51 kiloqram narkotik aşkar edilib. İ.Ağayev narkotik vasitə və psixotrop maddəni İran İslam Respublikasının şəxsiyyəti istintaqla araşdırılan vətəndaşından maddi gəlir əldə etmək məqsədilə əldə etdiyini bildirib.
Faktla bağlı cinayət işi başlanıb. İ.Ağayev barəsində həbs qətimkan tədbiri seçilib.
[caption id="attachment_58153" align="alignnone" width="336"]
Foto DİN[/caption]
