Astara rayon sakini Rusiyada yol-nəqliyyat hadisəsi nəticəsində dünyasını dəyişib. Bu haqda məlumatı Cenublu.az bu gün, 14 avqust tarixində verir.
Hadisə ötən gün saat 20:00-da Stavropol şəhərinin girişində qeydə alınıb.
“Mercedes” markalı yük maşını ilə “Datsun” avtomobilinin toqquşması nəticəsində sonuncunun sürücüsü, 27 yaşlı Ərçivan qəsəbə sakini İlkin Rəhimov vəfat edib. İlkin ehtimala görə, qəzaya səbəb İlkin Rəhimovun əks-istiqamət zolağına çıxması olub.
Faktla bağlı araşdırma aparılır.
