Rayon icra hakimiyyətinin başçısı Qəzənfər Ağayevin əhali ilə Rinə kəndində səyyar qəbul-görüşü baş tutub. Bu haqda məlumatı Cenublu.az bu gün, 4 avqust tarixində verir.
Görüşdə sakinlər Rinə kənd tam orta məktəbinə qədər olan yolun, eyni zamanda 1km kənddaxili yolun asfaltlanmasına, kəndə əlavə telefon nömrələrinin verilməsi və internet şəbəkəsinin çəkilməsinə, kənd ara yollarının təmirinə, kəndin yuxarı məhəlləsində subartezian quyusunun qazılmasına, Taxtanakəran və Çüvaş kəndlərinin qazlaşdırılması, əlavə elektrik transformatorunun qoyulması və sıradan çıxmış elektrik dirəklərinin dəyişdirilməsinə köməklik göstərilməsini xahiş ediblər.
Sakinlərin arzu və təklifləri dinlənilib, məsələlərin həlli ilə əlaqədar rayonun təsərrüfat və xidmət sahələrinin rəhbərlərinə tapşırıqlar verilib.
Qeyd edək ki, görüşdə rayonun inzibati orqanlarının, idarə və müəssisələrinin rəhbərləri iştirak ediblər.
