Astarada “Hər kitabı ünvanına” layihəsi çərçivəsində görüş təşkil olunub. Bu haqda bu gün, 10 avqust tarixində Cenublu.az Lənkəran Regional Mədəniyyət İdarəsinə istinadən xəbər verir.
Görüş Astara rayon Maliyyə İdarəsində baş tutub. Tədbiri Astara rayon Mərkəzi Kitabxanası və Maliyyə İdarəsinin əməkdaşları birgə təşkil ediblər. Görüşdə kitabxanaçılar adıçəkilən idarənin işçilərinə C.Qruber “Dövlət maliyyəsi və dövlət siyasəti”, Z.Fərrux, V.Zeynalov “Maliyyə pul tədavülü kredit”, “Azərbaycan Respublikasının Əmək Məcəlləsi”, M.Sadıqov, A.Hüseynov “Korporativ maliyyə” və s. kitabları təqdim ediblər. İdarənin bir neçə əməkdaşı kitabxanaya üzv yazılıb.
