Əslən Masallıdan olan Səfərbərlik və Hərbi Xidmətə Çağırış üzrə Dövlət Xidmətinin rəisi, general-mayor Çingiz Kiçikbəyov vəzifəsindən azad olunub. Bu haqda məlumatı Cenublu.az bu gün, 2 avqust tarixində verir.
Belə ki, əslən rayonun Tatyanoba kəndindən olan general-mayor bu vəzifəyə 2021-ci ilin dekabr ayında təyinat alıb. O, vəzifədən azad olunaraq Xidmət rəisinin sərəncamına götürülüb.
Sonuncu təyinata kimi o, Respublika Səfərbərlik və Hərbi Xidmətə Çağırış üzrə Dövlət Xidmətinin Neftçala, Quba rayon şöbələrinin rəisi, Bakı şəhəri Sabunçu və Suraxanı rayon idarə rəisi, Hərbi Xidmətə Çağırış üzrə Dövlət Xidmətin Suraxanı rayon idarəsinin rəisi vəzifələrində çalışıb.
Qeyd edək ki, Çingiz Kiçikbəyov qüsursuz xidmətlərinə görə dəfələrlə medal və fəxri fərmanlarla təltif olunub.
