Masallı rayonunun Ərkivan qəsəbəsində yerləşən Şəhidlər parkının təmir-tikinti işləri xeyirxah ərkivanlılar tərəfindən həyata keçirilib. Bu məlumatı Cenublu.az bu gün, 22 iyul tarixində Asiya TV-yə istinadən verir.
İlk növbədə Vətən müharibəsində şəhid olan dörd şəhidin portreti digər şəhidlərin sırasına əlavə olunub. Daha sonra könüllülər lövhələri qara rəngə boyayıb, üzərində hərflər yazıblar. Pilləkənlər və əsas hissə təmizlənib. Divarlar və bordürlər rənglənib, qazonlar səliqəyə salınıb.
Qeyd edək ki, görülən işlərin əsas maliyyə dəstəkçisi gənc iş adamı Amid İbadov, mənəvi və fiziki dəstəkçi isə ərazi nümayəndəsi Əhməd Əhmədov və onun komandası olub.
