Masallı rayon İcra Hakimiyyətinin başçısı Araz Əhmədov şəhid ailələri ilə görüş keçirib. Bu haqda məlumatı Cenublu.az bu gün, 5 aprel tarixində verir.
Rayonun Qəriblər kəndində yerləşən “Viləş” hotelində baş tutan görüşdə rayonun hüquq-mühafizə orqanları, idarə, müəssisə və təşkilat rəhbərləri də iştirak ediblər.
Tədbir zamanı ötən görüşlərdə şəhid ailələri tərəfindən edilmiş müraciətlər, onların həlli istiqamətində görülmüş işlər və hal-hazırda bir çox məsələlərlə bağlı həyata keçirilən lahiyələr barədə geniş məlumat verilib.
Sonra şəhid ailələrindən Sədaqət Məmmədova, Hafiz Qurbanov, Turac Quliyev, Arif Əliyev, Əfrail Əzizov və başqaları çıxış edərək onları narahat edən məsələlərlə bağlı müraciətlərini ediblər. Rayon İcra Hakimiyyətinin başçısı Araz Əhmədov ötən görüşlərdə olduğu kimi, səslənən bütün müraciətlərin qeydə alındığını, həssas sinfə aid olan şəhid ailələrini narahat edən hər bir məsələnin həlli istiqamətində mümkün olan bütün addımların atılacağını, onların müraciətləri ilə bağlı dərhal və operativ şəkildə işlərin aparılacağını bildirib.
