Masallı rayonunun icra başçısı Araz Əhmədov Bala Kolatan kənd tam orta məktəbinin əsaslı təmirdən sonrakı vəziyyəti ilə maraqlanıb. Bu haqda məlumatı Cenublu.az bu gün, 29 mart tarixində verir.
Ziyarətdə, həmçinin Lənkəran–Astara Regional Təhsil İdarəsi, Masallı Təhsil sektorunun müdiri Qoşqar Hətəmov, Masallı Rayon Polis Şöbəsinin rəisi Azay Ağayev, Rayon Prokuroru Vəli Mustafayev, idarə və təşkilat rəhbərləri iştirak ediblər.
Xatırladaq ki, Bala Kolatan kənd tam orta məktəbi təhlükəli vəziyyətdə olması səbəbindən 25 oktyabr 2023-cü il tarixində bağlanmışdı və şagirdlər S. Rzayev adına Böyük Kolatan kənd tam orta məktəbinə köçürülmüşdülər.
Məsələ ilə bağlı Araz Əhmədov təhsil ocağının əsaslı təmir olunması barədə müraciət etmişdi.
Belə ki, sözügedən məktəb qısa zamanda müasir standartlara cavab verə biləcək şəkildə təmir olunub, lazımi avadanlıqlarla təchiz edilib və müəllim və şagirdlərin istifadəsinə verilib.
