Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli Masallıda vətəndaşları qəbul edəcək. Bu haqda məlumatı Cenublu.az bu gün, 13 aprel tarixində verir.
Görüş 25 aprel tarixində saat 10:00-da Heydər Əliyev Mərkəzində baş tutacaq. Burada Masallı, Lənkəran, Astara, Lerik, Yardımlı, Cəlilabad, Biləsuvar, Cəbrayıl rayonlarının sakinləri müraciətlərini səsləndirə biləcəklər.
Qəbulda iştirak etmək üçün vətəndaş adını, soyadını, atasının adını, müraciətin məzmununu, yaşadığı ünvanı və telefon nömrəsini göstərməklə, [email protected] elektron ünvanına rəsmi şəkildə müraciət edərək və ya “1003 – Çağrı Mərkəzi” ilə əlaqə saxlayaraq aprelin 24-dək qəbula yazıla bilər.
Əlavə olaraq, AQTA-nın region üzrə yerli bölmələrində işlə təmin olunmaq istəyən, qida məhsulları mühəndisliyi, istehlak mallarının ekspertizası və marketinqi, metrologiya, standartlaşdırma və sertifikasiya mühəndisliyi, tibbi profilaktika, aqronomluq, bitki mühafizəsi, kimya, biologiya, torpaqşünaslıq və aqrokimya, baytarlıq ixtisasına yiyələnmiş vətəndaşlar müraciət edə bilərlər.
