Azərbaycan Respublikasının Kənd Təsərrüfatı Nazirliyi Aqrar Kredit və İnkişaf Agentliyinin sədri Seymur Mövlayev Cəlilabadda sakinləri qəbul edəcək. Bu haqda məlumatı Cenublu.az bu gün, 22 avqust tarixində verir.
Qəbul 5 sentyabr Cəlilabad Dövlət Aqrar İnkişaf Mərkəzində keçiriləcək.
Qəbul zamanı vətəndaşların Kənd Təsərrüfatı Nazirliyinin səlahiyyət dairəsinə aid məsələlərlə bağlı müraciətləri cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
Vətəndaş qəbulu qrafikində nəzərdə tutulmuş rayonun vətəndaş qəbulunda iştirak etmək istəyən şəxslər Kənd Təsərrüfatı Nazirliyinin “Çağrı Mərkəzi”nə (1652) zəng etməklə qeydiyyatdan keçə bilərlər.
Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.
