Masallı Rayon İcra Hakimiyyəti başçısının birinci müavini Məmmədhüseyn Hüseynov işdən azad olunub. Bu haqda məlumatı Cenublu.az bu gün, 13 sentyabr tarixində Asiya.az-a istinadən verir.
Belə ki, icra başçısı Araz Əhmədov bu barədə müvafiq əmr imzalayıb.
Qeyd edək ki, Məmmədhüseyn Hüseynov 1981-ci ildə Masallı rayonunun Xırmandalı kəndində anadan olub. 1998-ci ildə Xırmandalı kənd tam orta məktəbini bitirib. 2003-cü ildə Odlar Yurdu Universitetinin Hüquqşünaslıq, 2011-ci ildə Azərbaycan Dövlət İqtisad Universitetinin Beynəlxalq İqtisadi münasibətlər, 2016-cı ildə isə Azərbaycan Respublikası Prezidenti yanında Dövlət İdarəçilik Akademiyasının Regional İdarəetmə fakültələrini bitirib.
Bu təyinata qədər Masallı rayon İcra hakimiyyəti başçısı aparatının Hüquq şöbəsinin müdiri, eyni zamanda YAP Masallı rayon təşkilatı Gənclər Birliyinin sədri vəzifələrində çalışıb. O, 2020-ci ildə Masallının sabiq icra başçısı Şahin Məmmədovun imzası ilə birinci müavin təyin olunmuşdur.
