Astarada meşəlik ərazidə tapılan kişi meyitininin sabiq bələdiyyə sədri, Astaranın kəndlərindən birində müəllim kimi fəaliyyət göstərən 54 yaşlı Eynəli Əzizliyə aid olması müəyyən olunub.
İlkin araşdırma zamanı meyitin üzərində kəsici-deşici alətlə yetirilməyə xarakterik xəsarət izləri aşkarlanıb.
Faktla bağlı Astara Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.
*****
Astarada 2 gün əvvəl itkin düşən 54 yaşlı kişinin meyiti tapılıb. Bu haqda məlumatı Cenublu.az bu gün, 3 may tarixində verir.
54 yaşlı Eynəli Cəlal oğlu Əzizov 1 may tarixində rayonun Pəlikeş inzibati ərazi dairəsinə aid olan Dirya kəndində itkin düşüb. O, axşam saatlarında evdən çıxıb və bir daha geri qayıtmayıb.
Daha sonra onun yaxınları polisə müraciət ediblər. Bu gün isə onun meyiti rayon ərazisində aşkarlanıb.
Onun hansı səbəbdən öldüyü məlum deyil.
Faktla bağlı araşdırma aparılır.
